Një zjarr i përmasave të mëdha ka përfshirë sot një zonë plazhi në Radhimë, duke shkaktuar dëme të konsiderueshme materiale. Sipas shërbimit zjarrfikës, flakët kanë përfshirë çadra, shezlongë, si dhe kanë prekur dy beach bare dhe një restorant.
Zjarrfikëset ndodhen në terren dhe po punojnë për neutralizimin e flakëve, ndërsa raportojnë se zjarri është përhapur pranë një biznesi lokal, i cili ndodhet në rrezik. Një hotel i afërt, ndonëse aktualisht pa persona brenda, gjithashtu është në zonën e rrezikuar nga përhapja e flakëve.
Burime paraprake bëjnë me dije se zjarri dyshohet të jetë i qëllimshëm, megjithatë pritet një hetim i plotë nga autoritetet për të konfirmuar shkakun e tij. Deri më tani nuk raportohet për të lënduar, por dëmet materiale janë të konsiderueshme.
