Perez e do me çdo kusht Neymarin, sakrifikon dy yje për të bindur sheikun

Real Madrid është i gatshëm të bëjë çmendurinë vetëm që sezonin e ardhëm të veshë madrilen brazilianin Neymar. Duke parë që me para Perez nuk e “mposht” dot PSG-në, ka zgjedhur një strategji të re. Në lojë janë futur dy lojtarë të “çmuar” për formacionin”los blancos” dhe kjo tregon dëshirën e madhe që kanë drejtuesit për ish-lojtarin e Barcelonës. Do të jetë Gareth Bale dhe Toni Kroos dy të sakrifikuarit për të realizuar këtë ëndërr.“Don Balon” raporton se sinjalet e dërguara nga Perez dhe ofertat e çmendura kanë rënë në vesh të shurdhët, pasi sheiku i PSG nuk do të ulet të negociojë pa 400 milionë euro në tavolinë, për të marrë në konsideratë një shitje të mundshme të yllit brazilian, që verën e kaluar la “Camp Nou” dhe kaloi në “Parc des Princes” për shumën rekord botëror, 222 milionë euro.Presidenti i Real Madrid e sheh Neymar si të ardhmen e ekipit, pasi të largohet Ronaldo, por edhe të dy bashkë do të kombinoheshin mjaft mirë. Për këtë arsye Perez mendon që të sakrifikojë dy yje të klasit botëror dhe një shumë prej 200 milionë eurosh për të arritur të bindë drejtuesit e PSG-së. Gareth Bale duket qartë se nuk do të vazhdojë më tej, me këtë hapësirë aktivizimi, te Real Madridi, ndaj Perez është i gatshëm ta lejojë të shkojë te PSG. Kampionët francezë do ta mirëpritnin ish-lojtarin e Tottenham.Përveç kësaj, një tjetër lojtar mund të përfshihet për të arritur marrëveshjen. Fjala është për gjermanin Toni Kroos, të cilin Florentino Perez mund ta sakrifikojë për operacionin ”Neymar”. Transferimi sot për sot është pothuajse i pamundur, por Perez do t’i shqyrtojë të gjitha opsionet e mundshme për ta marrë Neymar këtë verë.