Për shumë vite psikologët kanë qenë të shqetësuar rreth “ndarjes dixhitale”, ku nxënësit e varfër kanë më pak mundësi për të pasur kompjuterë dhe internet në shtëpi sesa nxënësit e pasur. Frika qëndron te fakti se teknologjia mund të shkaktojë boshllëqe mes nxënësve të pasur dhe të varfër, sepse është më e lehtë për fëmijët e pasur të përdorin programet arsimore, të praktikojnë kodimin kompjuterik ose të mësojnë rreth botës online.
Një studim i ri i 2017 tregon se hendeku është mbyllur me shpejtësi. Kur vjen fjala për pajisje të lëvizshme, të tilla si smartphona ose tableta, hendeku praktikisht është zhdukur. Edhe qasja në internet po bëhet më e zakonshme. Rreth 75 përqind e familjeve që marrin më pak se 30,000 dollarë në vit thanë se kishin internet me shpejtësi të lartë në 2017, nga 46 përqind në 2013. Më shumë se 70 përqind e familjeve me të ardhura të ulëta thanë se kishin një kompjuter në shtëpi.
Ndërkohë që dallimet më të mprehta mes fëmijëve të pasur dhe të varfër tani janë përdorimi i mediave. Një sondazh i kryer nga Common Sense, zbuloi se prindërit me të ardhura të ulëta i ulnin fëmijët e tyre të vegjël përpara televizorit ose kompjuterit për 3 orë dhe 29 minuta në ditë, pothuajse dyfishi i 1 orë dhe 50 minuta të ekranit ditor që fëmija tipik me të ardhura të larta shikon. Kjo vazhdon edhe sot.
“Koha që kalon para pajisjes është më pak e rëndësishme”, tha Kevin Clark, drejtor i Qendrës për Inovacionin dhe Diversitetin e Medias digjitale në Universitetin George Mason. “Nuk ka të bëjë me ndarjen teknologjike, por ndarjen e përmbajtjes dhe mënyrës se si po përdoret teknologjia”.
Prindërit më të arsimuar me të ardhura më të larta dhe kontrollojnë dhe monitorojnë më shpesh atë që fëmijët shikojnë në internet. Familjet me të ardhura të ulëta përdorin më shpesh babysitter dhe për të mbajtur fëmijët gjatë udhëtimeve të gjata me makinë ose me transport publik.
Clark paralajmëroi familjet me të ardhura të ulëta të mos i lejojnë fëmijët e tyre aq shumë kohë para ekranit. “Ju duhet të kuptoni se çfarë po ndodh aktualisht. A është ekrani një opsion më i mirë sesa loja jashtë?” pyeti ai. Familjet me të ardhura më të larta mund të paguajnë më shumë përkujdesje për fëmijët, ti dërgojnë ata nëpër aktivitete ose t’u lejojnë fëmijëve të luajnë në oborrin e shtëpisë.
Ky mesazh nuk shkon te të gjithë prindërit. Sondazhi i Common Sense zbuloi se vetëm një në pesë prindër njihet me rekomandimet për kufizimin e përdorimit të medias. Pothuajse një e katërta e prindërve me të ardhura të larta dhe të arsimuar nga kolegj, në raport me 16 përqind të prindërve me të ardhura të ulëta pa arsim të lartë. (TIRANA TODAY)
