Një 86-vjeçar u dënua në qytetin amerikan të Bangor sepse 58 vjet më parë mori identitetin e vëllait dhe e shfrytëzoi për të mashtruar sistemin e sigurimeve shoqërore.
Ai u dënua për akuza të shumta, duke përfshirë vjedhjen e identitetit, ndërsa avokati mbrojtës njoftoi se do të apelonte dënimin. Gonzalez mori identitetin e vëllait në vitin 1965, rreth 25 vjet pasi ai vdiq.
Është interesante se Administrata e Sigurimeve Shoqërore nisi hetimet për në vitin 2010, por nuk u gjetën parregullsi.
Një hetim i ri u nis në vitin 2020, pasi softueri i njohjes gjeti fytyrën e Gonzalezit në dy dokumente identifikimi.
Përballë akuzave, burri tha se mori identitetin e vëllait të ndjerë “me urdhër të Zyrës së Hetimeve Speciale të Forcave Ajrore ndërsa merrte pjesë në një operacion të fshehtë në vitet 1960”.
Ai më vonë pranoi se kishte falsifikuar vdekjen e tij dhe vazhdoi të jetonte me identitetin e vëllait, sipas dokumenteve të gjykatës.
