Një diplomate britanike është gjetur e vdekur në Liban. Sipas BBC dyshohet se diplomatja Rebeça Dykes është vrarë. Dykes kishte punuar në Ambasadën e Britanisë së Madhe në Bejrut.
Autoritetet në Lindjen e Mesme thanë se besonin se zonja Dykes, 30 vjeç, nga Londra, u mbyt dhe u përdhunua para vdekjes së saj.
Zonja Dykes filloi të punojë për qeveri në vitin 2010 dhe ajo thuhet se ishte në një bar në qendër të qytetit para se të dilte pas mesnatës. Trupi i saj thuhet se është transferuar në spitalin Dahr al-Bashak për ekzaminim. 
Ajo u bashkua me Departamentin për Zhvillim Ndërkombëtar dhe kishte punuar si menaxhere programesh dhe politikash me bazë në Liban.
“Jemi të shkatërruar me humbjen e Rebeça-s. Po bëjmë gjithçka që të mësojmë se çfarë ka ndodhur. Kërkojmë nga mediat që ta respektojnë privatësinë tone,”- ka rrëfyer familja e saj për BBC. TIRANA TODAY
