Kina ka publikuar pamjen e para të një avioni fluturues me pamjen e një droni, i cili bën patrullim në ajër. Ku avion është i një teknologjie të lartë ushtarake si pjesë e zhvillimeve teknologjike të Kinës. Me sa duket avioni ka shkaktuar një alarm të madh te zyrtarët amerikanë.
Kina pretendon se kjo është shpikja më e fundit ushtarake në sektorin e spiunazhit, avioni mund të patrullojë ‘mjedise armiqësore pa u zbuluar’. Deri tani kishte vetëm fjalë për këtë shpikje por tani mund të shohim pamjet e para zyrtare të avionit Sky Hawk që fluturon në ajër.
Ekspertët kryesorë ushtarakë pohojnë se teknologjitë e zotëruara nga zhvilluesit kinezë do të lejojnë që avioni të fluturojë më shpejt, më larg dhe të mos zbulohet kurrë nga armiqtë.
Në pamjet e lëshuara nga mediat kineze-shtetërore shihet droni në ulje dhe zbritje.
Song Zhongping, një ekspert ushtarak kinez deklaroi se publikimi i fundit në media tregon se Kina tashmë ka demonstruar mundësinë e ‘dronëve’ spiunë.
Një zyrtar ushtarak i cili kërkoi të mbetej anonimim, pretendon se Sky Hawk mund të veprojë edhe si avionët civilë të flotës kineze duke u përdorur si “katapultat elektromagnetike”.
Sipas zyrtarëve të medias shtetërore, avioni është një automjet ajror me një lartësi të lartë, me rreze të gjatë dhe me shpejtësi të lartë, të aftë për të ndërmarrë misionet e zbulimit dhe patrullimit në mjediset armiqësore.
“Express.co.uk” duke iu referuar ekspertëve ushtarakë shkruan se forma e pazakontë lejon këta avionë të fluturojnë më shpejt se dronët dhe aeroplanët e zakonshëm.
Pamjet e fundit kanë zemëruar shumë zyrtarët e sigurisë në SHBA. Të premten, presidenti kinez Xi Jinping u tha liderëve të tij ushtarakë se forcat e armatosura të vendit duhet të forcojnë ndjenjën e urgjencës dhe të bëjnë gjithçka që munden për t’u përgatitur për betejë.
Presidenti Jinping kërkon që ushtria e vendit të “krijojë lloje të reja të forcave luftarake”. Ai i kërkoi ushtarakëve të tij të lartë që të merrte përgjegjësi për përgatitjen dhe luftën.
Kina po përballet me disa sfida globale, duke përfshirë luftën tregtare amerikane dhe kontestimet territoriale mbi Detin e Kinës Jugore dhe Tajvanin. TIRANA TODAY
