Luljeta Bozo, inxhinierja që u bë deputete, ishte e ftuar në emisionin “Off the Record” me Andrea Danglin mbrëmjen e së dielës në A2 CNN, ku ndër të tjera tregoi se si pranoi të bëhej deputete. Bozo zbuloi se kishte dy objektiva.
“Pranova të bëhesha deputet me dy objektiva, i pari ishte të bëja atë që mund të bëjë njeriu, të lëvizte me fuqinë që mund të japë posti ndaj pensionistëve, të cilët janë një klasë që kanë punuar shumë për Shqipërinë, kanë punuar me shumë pasion, sot janë një klasë që nuk shpërblehet për atë që kanë bërë.
Ata nuk janë pak, por një e treta e popullsisë. Në të gjithë botën punojnë 4-5 persona për të ushqyer një pensionist. Këtu janë një ose dy veta për të ushqyer një pensionist. Ka një defekt të madh që nuk korrigjohet me susta. Njerëzit kanë punuar ilegalisht, ndaj nuk marrin pension. Skema është e tillë në të gjithë botën. Ky nuk është një objektiv i arritur, por ka hyrë në rrugën e duhur.
“Objektivi i dytë ka qenë pas tërmetit të 2019 ku nuk do të ishte bërë gjithë ai shkatërrim nëse do të kishin dalë profesionistët në treg. Nuk janë në atë tabelë elektronike. Ky grup i madh që është i licencuar do ta kalojë këtë treg, të tjerët duhet të bëjnë provim”, tha Bozo.
