Edhe pse në referendumin e disa muajve më parë, britanikët ishin pro daljes nga BE, Presidenti i PE-së, Antonio Tajani, gjatë një prononcimi për shtyp iu ka dhënë atyre një mundësi tjetër për të qëndruar.
“Nëse Britania e Madhe kërkon të qëndrojë, të gjithë do jenë dakord. Unë do të jem shumë i lumtur”, deklaroi ai për të përditshmen ”The Guardian”.
“Vendimi përfundimtar do t’i përkasë 27 vendeve anëtare, por të gjithë do të jenë dakord”, theksoi Tajani, i cili ishte dje në Londër për të takuar kryeministren Theresa May.
Rezultati i zgjedhjeve të parakohshme, që do të mbahen në 8 qershor, do të tregojë nëse Britania e Madhe do jetë kundër daljes nga BE-ja apo qëndrimit në BE.
