Kolegji Zgejdhor ka caktuar 4 shtatorin si data ku do të mbahet seanca mbi ankimin e koalicionit PDF-ASHM mbi rezulktatine zgejdhjeve të 11 majit.
Koalicioni PD-ASHM ka kërkuar më herët rrëzimin e vendimit të Komisionit Qendror të Zgjedhjeve (KQZ) për rezultatin e zgjedhjeve të 11 majit, duke e cilësuar atë të padrejtë dhe të mbështetur në parregullsi të procesit zgjedhor.
Pas depozitimit të padisë nga opozita, është hedhur shorti për caktimin e trupës gjykuese, e cila do të shqyrtojë pretendimet e koalicionit kundër vendimit të KQZ.
Trupa gjykuese në Apelin Administrativ përbëhet nga pesë gjyqtarë:
Lutfije Celami – Relatore
Entela Shedula – Anëtare
Alma Kodraliu – Anëtare
Ornela Naqellari – Anëtare
Enkel Peza – Anëtar
Seanca pritet të mabhet më 4 shtator 2025, në orën 10:00, në ambientet e Gjykatës Administrative të Apelit, në Rrugën “Ismail Qemali”, Tiranë.
Njoftimi i plotë:
“Në Gjykatën Administrative të Apelit Tiranë, për llogari të Kolegjit Zgjedhor Gjyqësor, është paraqitur për shqyrtim, Kërkesëpadia Nr.30 Regjistri Themeltar Dt.01.09.2025 Regjistrimi, me:
PADITËS: Koalicioni “Partia Demokratike-Aleanca për Shqipërinë Madhështore” (PD-ASHM).
I PADITUR: Komisioni Qendror i Zgjedhjeve – KQZ.
PERSON I TRETË: Partia Socialiste.
OBJEKTI: Ndryshimin e Vendimit nr.34, datë 28.08.2025 të Komisionit Rregullator pranë
KQZ, duke vendosur rrëzimin e propozimit të Komisionerit Shtetëror të Zgjedhjeve
(KSHZ) për shpalljen e rezultatit përfundimtar të Zgjedhjeve për Kuvend të datës
11 Maj 2025.
BAZA LIGJORE: Neni 3, 8, 19, pika 1, 21, pika 1, gërma “a”, neni 20, pika 2, shkronja “d” e 3,
neni 25, 25/1, 25/2, 26 pika 2, neni 39, pika 2, nenet 115, 116, 117, 118, 119,
121, 123, 123/1, 123/2, 123/3, 124, 125, 127, 133, 136, 137, 138, 139, 140,
141, 143, 145, 152, 153, 155, 160, 161 si dhe neni 167 e vijues të ligjit Nr.10019, datë 29.12.2008 “Kodi Zgjedhor i Republikës së Shqipërisë”, i ndryshuar.
Trupi gjykues i Kolegjit Zgjedhor Gjyqësor që do të shqyrtojë kërkesëpadinë, përbëhet nga gjyqtarët:
Lutfije Celami (Relatore);
Entela Shedula (Anëtare);
Alma Kodraliu (Anëtare);
Ornela Naqellari (Anëtare);
Enkel Peza (Anëtar).
Në bazë të Urdhrit Dt.02.09.2025 të Kolegjit Zgjedhor Gjyqësor, seanca gjyqësore është planifikuar të zhvillohet më datë 04.09.2025, ora 10:00, në ambientet e Gjykatës Administrative të Apelit, në adresën: Rr.“Ismail Qemali”, Tiranë. Tiranë, më 02.09.2025.
Gjykata Administrative e Apelit Tiranë”.
