Kisha Ortodokse serbe vazhdimisht me deklarata e saj ka qenë nxitëse se gratë atje duhet të lindin fëmijë. Por, edhe një deklaratë e radhës e bërë nga Patriarku Irinej ka ngjallur reagime në mediat sociale por jo vetëm, pasi është shprehur se “gratë serbe janë të detyruara që të lindin. Janë të detyruara që të rinojnë vendin tonë dhe ne rekomandojmë që gratë të lindin sipas frymës së Zotit”.
Lidhur me këtë deklaratë të bërë nga kreu i Kishës Ortodokse Serbe (KOS) Peshkopi Irinej se “gratë serbe të lindin”, dhe kërkoi që shteti të marrë përgjegjësi, kanë reagua një grup grash.
Sipas tyre, kjo sjellje e tij të dënohet sepse nxit urrejtje për gratë. Sipas tyre ai nuk ka njohuri elementare të kushteve sociale në të cilat gratë jetojnë në Serbi.
“Patriarku dhe kisha duhet të shesin flotën e tyre të makinave luksoze dhe ndërtesat që kanë për të ndihmuar nënat e reja në rritjen e fëmijëve të tyre, meqë duken shumë të shqetësuar për këtë”, ishte reagimi i qytetarëve.
Në Serbi kisha zotëron prona të paluajtshme dhe makina nga më të shtrenjta që përdoren nga priftërinjtë e saj, luks që është kritikuar jo pak herë.
