Themeluesi i Wikipedia-s, Jimmy Wales do të hapë një platformë të re lajmesh, e cila bën bashkë gazetarët me njerëzit që duan të kontrollojnë faktet.
Ai do ta quajë site-n e ri “Wikitribune.”
Qëllimi kryesor? Të luftojë lajmet e rreme.
“Ne duam që t’ju sigurojmë se artikujt që lexoni, janë të bazuar në fakte dhe kanë një ndikim sa në ngjarjet lokale, po ashtu edhe në ato globale”, thuhet në deklaratën e uebsite-t.
Ky site do të publikojë lajme të shkruara nga gazetarë profesionistë. Por, në një faqe, që do të huazohet nga Wikipedia, përdoruesit e internetit do të propozojnë fakte shtesë për korrigjimin e lajmeve. Ndryshimet do të rishikohen nga “vullnetarët e kontrollimit të fakteve”.
Wikitribune thotë se do të jetë transparente për burimet e saj; do të botojë të gjithë tekstin e intervistave si videove, ashtu edhe audiove. Gjuha do të jetë “faktike dhe neutrale”.
“Kjo kërkon standarde të larta profesionale gazetareske dhe kërkon të sjellë idenë radikale, ku njerëzit në mënyrë vullnetare do të mbrojnë integritetin e informacionit”, thotë Wales për CNN.
Tirana Today
