Pas Wagner dhe Sane, Low zhgënjen dhe gardianin

Gjermania kampione bote do të niset drejt Rusisë me shumë zhgënjime dhe situata aspak miqësore. Fillimisht ishte sulmuesi i Bayern Munich, Wagner që shpërtheu ndaj trajnerit Joachim Low, pasi e la atë në shtëpi dhe zgjodhi të merrte në Botëror Mario Gomes. Kjo ishte e papranueshme për sulmuesin i cili dha menjëherë dorëheqje nga kombëtarja.Befasia më e madhe ishte lënia jashtë listës së 23 lojtarëve e Leroy Sane. Mesfushori-sulmues i krahut të majtë ka luajtur këtë sezon në nivele mjaft të larta tek Manchester City dhe u shpall lojtari i vitit në Premier League. Por kjo nuk ka mjaftuar për Low që ta përfshijë atë në ekip dhe ka zgjedhur në fund që të marrë Julian Brandt. Sane edhe pse me një zhgënjim të madh nuk bëri deklarata të mëdha, por u shpreh se do të punojë fort për të qenë i gatshëm për kombëtaren. E papranueshme ka qenë kjo për tifozët të cilët kanë sulmuar trajnerin për zgjedhjet e bëra.Por tani edhe brenda grupit që do të udhëtojë drejt Rusisë ka pakënaqësi dhe zhgënjim. Vendimi për të luajtur titullarë Manuel Neuer në finalet e Botërorit ka zhgënjyer shumë portierin e Barcelonës Marc-André ter Stegen. Ai ka zhvilluar një sezon fantastik tek katalanasit dhe besonte se do jepeshe mundësia për të fituar një vend titullar, pasi Neuer vinte nga një dëmtim mjaft i gjatë.“Gardiani” i Barcelonës e pranon vendimin e trajnerit të tij me sportivitet, por nuk e fsheh trishtimin: “Kur keni luajtur gjithë sezonin dhe keni pasur gjithmonë një nivel të lartë, kjo është një situatë zhgënjyese”, – komentoi ai nga grumbullimi i ekipit kombëtar gjerman në qytetin italian të Appiano, edhe pse duke e bërë të qartë se “do të përpiqet të jetë një ndihmë për Manuel Neuer”.Ter Stegen ka qenë titullar i portës së Gjermanisë në shumicën e ndeshjeve kualifikuese. Gjithashtu, ai ka luajtur në Kupën e Konfederatave, teksa trajneri Joachim Low e ka lavdëruar publikisht: “Është tepër i pjekur. Shumë i qëndrueshëm. Nëse bën një gabim, kjo nuk do të ndikojë tek ai. Ter Stegen e ruan nivelin e lartë sportiv”. Por, kur Kupa e Botës arriti dhe Manuel Neuer ka qenë në dispozicion, ndërkohë që trajneri Low nuk ka hezituar t’i besojë kuadratin e kampionëve të botës në fuqi, në Botërorin e kësaj vere.