SHKODËR- Pas ultimatumit të Kryeministrit Edi Rama të gjithë Administratorët e Njësive Vendore në Bashkinë Shkodër kanë dhënë dorëheqje nga pozicionet e tyre.
Dorëheqje ka pasur edhe në Bashkinë Malësi e Madhe.
Siç raportohet dorëheqje kanë dhënë administratorët e njësive administrative dhe dy zëvendëskryetarët e bashkisë.
Mësohet se pas dorëheqjeve të depozituara do të kryhet një analizë e detajuar për performancën e secilit prej drejtuesve.
Pas saj do të merren edhe vendimet për miratimin ose jo të dorëheqjeve të paraqitura sot.
Këto largime vijnë pas ultimatumeve dhe kërkesave të kryeministrit Edi Rama, i cili tre ditë më parë në takimin me kryebashkiakët në Durrës, tha se deri sot duhet të shkarkohen të gjithë kryetarët e Njësive Administrative në të gjithë Republikën e Shqipërisë.
