Drejtori sportiv i Aintraht Frankfurt, e ka cilësuar sjelljen e drejtuesve të Bayern Munchen si aspak profesionale lidhur me zyrtarizimin e kroatit Niko Kovaç si trajnerin e ri të skuadrës për tre vitet në vazhdim.
Kovaç i cili pritet të fillojë punë që nga sezoni i ardhshëm. Ai është nën kontratë me Frankfurtin deri në verën e vitit 2019-të, por në marrëveshjen mes palëve ka një klauzolë largimi prej 2 milionë eurosh të cilën Bayerni do ta paguajë.
Fredi Bobiç ka akuzuar Bayernin përse nuk i ka kontaktuar më herët drejtuesit e Frankfurtit për këtë lëvizje të tyre.
Ai ka shtuar se sjella e drejtuesve bavarezë ka qenë joprofesionale dhe e parespektueshme, ndërkohë vetë Kovaç i pranishëm në konferencën për shtyp përkrah drejtorit sportiv të Eintracht nuk ka dashur të komentojë kalimin e tij te Bayerni duke nënvizuar se gjithçka ka ndodhur shumë shpejtë gjatë një të enjteje që ka qenë vërtetë një ditë e çmendur për të.
