Një sherr është shënuar në Mallakastër, ku një 38-vjeçar ka qëlluar me thikë një 22-vjeçar.
Bëhet me dije se policia ka arrestuar shtetasin E. M., 38 vjeç (me probleme të shëndetit mendor), i cili pas një një konflikti për motive të dobëta, ka qëlluar me thikë 22-vjeçrin në pedonalen e qytetit. I dëmtuari, shtetasi K. I., 22 vjeç, është në kujdesin e mjekëve.
Njoftimi i policisë së Mallakastrës:
Dëmtoi me mjet prerës (thikë), një 22-vjeçar, për shkak të një konflikti për motive të dobëta, ndërmjet tyre, në pedonalen e qytetit, shoqërohet menjëherë 38-vjeçari.
Sekuestrohet mjeti prerës (thikë) i përdorur nga ky shtetas.
Menjëherë pas njoftimit se në pedonalen e qytetit, një shtetas kishte demtuar me mjet prerës (thikë), një shtetas tjetër, për shkak të një konflikti për motive të dobëta, ndërmjet tyre, shërbimet e Komisariatit të Policisë Mallakastër kanë ndëhyrë dhe kanë neutralizuar autorin.
Për këtë rast u shoqërua në ambientet e Komisariatit të Policisë Mallakastër, për kryerjen e veprimeve të mëtejshme procedurale, shtetasi E. M., 38 vjeç (me probleme të shëndetit mendor), ndërsa i dëmtuari, shtetasi K. I., 22 vjeç, është në kujdesin e mjekëve.
Gjithashtu, në cilësinë e provës materiale u sekuestrua mjeti prerës (thikë).
Materialet procedurale i kaluan Prokurorisë pranë Gjylatës së Shkallës së Parë të Juridiksionit të Përgjithshëm Fier, për veprime të mëtejshme.
