Një tjetër uragan po kërcënon. Fjala është për Uraganin Irma, i cili është fuqizuar, duke u shndërruar në një stuhi të Kategorisë 5, kategoria më e fuqishme për një stuhi, kjo sipas Qendrës Kombëtare për Uraganet.
Banorët e Ishujve Leeward të Karaibeve janë duke u përgatitur për ardhjen e urganit sonte ose nesër në mëngjes, ndërkohë që disa rajone, nga Porto Rikoja e deri në Kubë dhe në brigjet e Shteteve të Bashkuara, po presin të shohin drejtimin që do të marrë stuhia gjatë javës.
Uragani Irma pritet të sjellë erëra me shpejtësi prej më shumë se 280 kilometra në orë, të dëmtojë rëndë shtëpitë dhe shtyllat e tensionit si dhe të ndërpresë fiurnizimin me energji për javë të tëra.
Ndërkohë në Teksas dhe Luiziana po jetojnë pasojat e Uraganit “Harvey”, i cili shkaktoi më shumë 60 të vdekur dhe shkatërroi mijëra shtëpi.
Rimëkëmbja e Teksasit nga “Harvey” mund të kushtojë 180 miliard $.
