Partizani ndan rrugët me trajnerin Veselinovic. Klubi i kuq ka bërë publik lajmim, nëpërmjet një postimi në rrjetet sociale. Vendimi, erdhi pas humbjes së sotme në kampionat, ndaj Bylis.
Partizani synon që të gjejë sa më shpejt të jetë e mundur pasuesin, pasi koha nuk pret, me sezonin që është në një fazë shumë të rëndësishme.
Postimi:
Klubi i Futbollit Partizani njofton përfundimin e bashkëpunimit me trajnerin Aleksandar Veselinović për shkak të rezultateve të dobëta. Vendimi i marrë pas humbjes së sotme, bazohet tek rezultatet e papranueshme të kohëve të fundit, dhe mbi të gjitha në mungesën e lojës dhe karakterit që duket të shprehi ekipi i Partizanit në fushën e blertë.
Trajnerit Veselinovic i urojmë suksese në karrierën e tij të mëtejshme.
Duke filluar nga dita e nesërme, ekipi do të nis përgatitjet me përqëndrim maksimal për të luftuar deri në fund si në Kupë edhe në Kampionat dhe për ta kthyer PARTIZANIN ATY KU I TAKON… P.M.T.P.
