Shkencëtarët, të cilët vëzhgojnë ndryshimet klimatike kanë ngritur alarmin se valët e të nxehtit, zjarret dhe përmbytjet ishin vetëm “maja e ajsbergut” krahasuar me efektet edhe më të këqija që do të vijnë, duke e lënë botën “pjesërisht të verbër” në të ardhmen.
The guardian kërkoi vlerësimet e ekspertëve të më shumë se 40 shkencëtarëve nga e gjithë bota. Ata thanë se rritja e temperaturave globale ishte plotësisht në përputhje me paralajmërimet e dekadave dhe u rrit këtë vit nga rikthimi i El Ninos. Por njerëzit dhe vendet ishin më të prekshme ndaj ngjarjeve ekstreme të motit sesa pritej dhe po vuanin efekte që nuk ishin përjetuar më parë pasi u thyen rekordet e klimës.
“Korrik ishte muaji më i nxehtë në historinë njerëzore dhe njerëzit në mbarë botën po vuajnë pasojat. Kjo do të bëhet vera mesatare në 10 vjet, nëse bota nuk bashkëpunon dhe nuk e vendos aksionin e klimës në krye të agjendës”, -tha Prof Piers Forster në Universitetin e Leeds.
Rekordet e nxehtësisë dhe zjarreve janë thyer në të gjithë botën në vitin 2023, nga Amerika e Veriut, në Evropë, në Azi. “Perceptimi ynë është gjithashtu i njëanshëm nga fakti se ne jetojmë më shpesh në territor të paeksploruar, gjë që jep një ndjenjë përshpejtimi,” tha Cassou.
OKB po mbledh një samit të ambicieve klimatike në 20 shtator. “Pothuajse të gjithë treguesit tanë për klimën po tregojnë drejtimin e gabuar”, tha Amina Mohammed, zëvendëssekretarja e përgjithshme e OKB-së. “
Organizata Botërore Meteorologjike ka paralajmëruar se pesë vitet e ardhshme ka të ngjarë të jenë më të nxehtat e regjistruara, duke goditur më së shumti komunitetet e cenueshme.
“Ne shpresojmë dhe presim që liderët [politikë], sektori privat dhe organizatat e shoqërisë civile, të vijnë në samit me veprime dhe angazhime të besueshme dhe ambicioze.”
Samiti kryesor i OKB-së për klimën i vitit 2023, Cop28, do të fillojë në fund të nëntorit. Ai po organizohet nga Emiratet e Bashkuara Arabe dhe po kryesohet nga Sulltan Al Jaber, shefi ekzekutiv i kompanisë shtetërore të naftës në Emiratet e Bashkuara Arabe. Emetimet globale të karbonit kanë vazhduar të rriten vitet e fundit, por duhet të bien me 43%.
