Kombëtarja e Danimarkës është në kaos të vërtetë në prag të ndeshjes së Ligës së Kombeve, ku do të përballet me Uellsin dhe Sllovakinë. Situata duket se është përshkallëzuar aq shumë sa lojtarët nuk do të grumbullohen fare për këto sfida. I gjithë tensioni është krijuar në lidhje me të drejtat e imazhit të lojtarëve.
Prej muajsh sindikata e lojtarëve (Spillerne) dhe Federata Daneze janë duke negociuar për të gjetur një zgjidhje, por tashmë këto bisedime janë ndërprerë dhe si duket është federata që është tërhequr.
Paraqitja në Lgën e Kombeve pritet të jetë me një skuadër të formuar nga lojtarë që luajnë në kampionatin vendas dhe trajneri aktual Åge Hareide nuk është pranuar që të fillojë nga puna, pasi pritet që edhe ai të zëvendësohet nga një trajner i ligave të ulëta vendase.
Duke folur për mediat daneze, Eriksen u shpreh: “Kemi marrë vesh që Federata po përpiqet të na nxjerrë ne lojtarëve si të pangopur dhe që nuk mendojmë për asgjë tjetër, përveçse xhepit tonë, por jemi ne që çdo vit e nxjerrim me fitime Federatën. Është diçka e papranueshme të dëgjojmë këto akuza kundrejt nesh!”
