Presidenti amerikan, Donald Trump, dhe homologu i tij rus, Vladimir Putin, do të takohen në korrik në qytetin gjerman të Hamburgut, deklaroi sot ministri i Jashtëm rus, Sergei Lavrov.
Më 7 dhe 8 korrik 2017 Hamburgu do të presë samitin e G20-ës, dhe ky do të jetë çasti më i mirë për takimin e dy presidentëve më të fuqishëm në Botë.
Gjithashtu, Lavrov i cili takoi sot Trumpin në Uashington, tha se bisedimet e tyre ishin përqëndruar mbi bashkëpunimin e mundshëm për Sirinë.
”Vendosja e paqes në Siri është prioriteti më i rëndësishëm”, theksoi kryediplomati rus.
