Mërgim Mavraj duket se është në hall të madh, e kjo për shkak të rreptësisë së trajnerit të Kombëtares Shqiptare, i cili duket se nuk ka ndërmend të tolerojë askënd.
Mavaj duket se do të jetë një mungesë për Arisin, ekipin grek që do të luajë këtë të hënë në Superligë ndaj Apollonit. Arsyeja është pikërisht grumbullimi me Kombëtaren kuqezi.
Kapiteni është thirrur nga Panuçi dhe të hënën nisin përgatitjet e kuqezinjve. Por, mësohet se Mavraj ka kërkuar nga klubi grek që të bashkohet me ekipin Kombëtar. Ndërkohë, nga Arisi kanë kërkuar që ta kenë mbrojtësin të gatshëm edhe për sfidën e së hënës, e më pas ai mund të bashkohet me përfaqësuesen.
Por, diçka e tillë është refuzuar nga FSHF, raportojnë mediat greke. Kjo pasi për trajnerin italian këto rregulla janë thelbësore dhe nuk bëhet asnjë përjashtim, qoftë edhe për kapitenin. Ndërkohë, shqiptari tjetër tek Arisi, Migjen Basha, është i pezulluar për këtë takim dhe mund të bashkohet lehtësisht.
