Trajneri i kombëtares shqiptare, Christian Panucci ka dalë në një konferencë të jashtëzakonshme në prag të grumbullimit të ekipi. Shqipëria do të zhvillojë një ndeshje miqësore më Jordaninë dhe më pas me Izraelin në transfertë, ndeshje e vlefshme për Ligën e Kombeve.
Ka ndodhur diçka për ketë konferencë të jashtëzakonshme?
Jo, është thjesht konferenca përpara grumbullimit. Thjeshta e vendosa në minutat e fundit, për ta zhvilluar para fillimit të grumbullimit.
Nëse ka ndonjë neglizhencë për kampionatin shqiptar, me qenë se janë duke u luajtur ndeshjet?
Për sa i përket lojtarëve që janë, kam informacionet e duhura. Vij i shikoj.
Thirrja e Uzunit dhe Gavazajt, disa muaj pas largimit nga Kategoria Superiore…
Nëse ka ndonjë lojtar të rëndësishëm në kampionatin shqiptar, shkoj e shikoj dhe i kam thirrur. Për sa i përket Uzunit ka 5 ndeshje që aktivizohet. Gavazaj nuk ka luajtur shumë, por është pjesë e grupit.
Për deklaratën e Abazajt që të gjithë janë interesuar, përveç Panuçit…
Ka 4 muaj që nuk luan. Pse duhet të vijë në Kombëtare? Këtu njerëzit mendoj që është post pune. Jam takuar me të dhe më ka shprehur që stërvitet shumë te Anderlehti, e nuk ia del dot më. Ka shumë sforcim dhe lodhet shumë. Në Ligën e Europës nuk është as në 23-shën. Unë mërzitem se nuk e shoh as në pankinë atje, ndërsa ai mërzitet se nuk e grumbullova. Nëse është mërzitur, të përveshë mëngët e të lodhë b….
Mund të jetë ndeshja ndaj Izraelit një “finale” e vogël për Shqipërinë?
Nuk e kam kuptuar ende që një pjesë e lojtarëve arrijnë ta kuptojnë se çfarë është ekipi i futbollit. Pres një përgjigje në ndeshjen ndaj Izraelit. Kur fitojnë ok shumë mirë. Kur humbasin ok shumë mirë. Duhet të tentojmë të luajmë në Europian. Jemi shumë afër Europianit. Do t’i pyes lojtarët se çfarë është për ata ekipi kombëtar. Për disa prej tyre, kuptohet.
Kemi shumë lojtarë të dëmtuar që nuk luajnë ose nuk janë në formë. Në miqësoren ndaj Ukrainës dhe Kosovës që na mungonin 12 lojtarë. Kam një plan specifik. Kemi rikuperuar Mavrajn dhe Grezdën, që nuk i ka minutat. Do t’ia japim këtë mundësi. Ne nuk jemi Brazili. Nuk kemi Nejmarin. Duhet patjetër të ndryshoj diçka nuk kam shumë kohë në dispozicion.
A mos ndoshta më mirë që ta mendonim Jordaninë si provë gjeneralë?
Është shumë e rëndësishme për mua, që t’iu jam minutat e duhura, lojtarëve që iu mungojnë. Për këtë do ta shfrytëzoj edhe miqësore. Më rezultojnë shumë lojtarë që nuk luajnë. Do të jetë skuadër shumë e mbledhur ndaj Izraelit. Rikuperojmë Mavrajn që është një lojtar i rëndësishëm dhe me karakter. Më duhet të ma dëshmojnë disa prej lojtarëve se çfarë do të thotë të jesh në ekipin Kombëtar. Në çdo moment, ai që është në shënjestër është Panuçin. Për mua ekipi Kombëtar është maksimalja. Ne nuk kemi lojtarë që luajnë në gjysmëfinalet e Championsit. Nuk jemi as Brazili as Franca. Duhet të më dëshmojnë seriozitet disa prej lojtarëve. Rini të qetë. E respektoj shumë Shqipërinë.
A keni menduar diçka për të përmirësuar mbrojtjen?
Pësoj gola. Jam duke menduar realisht për ketë gjë. Kam konstatuar që kur jemi në avantazh, skuadra pëson më pak. Do të shoh kondicionin e Mavrajt. Kam një sasi lojtarësh në mesfushë, por më duhet të shikoj mbrojtjen. Me Skocinë pësuam një gol nga kornia që mund ta evitonim. Duhet më tepër zemër.
Fituam një ndeshje dhe barazuam me Maqedoninë. Lopetegui na përcolli komplimentet përkatëse. Me Italinë e ulën pa ritmin. Me Norvegjinë kishim 6 mungesa dhe pësuam gol nga goditja e këndit. Duhet të shikoj këtë probleme. Ndaj Ukrainës dhe Kosovës na mungonin 11 lojtarë. Të shohim se çfarë na rezervon shorti i Europianit.
Është shumë e vështirë të zgjedhësh një kapiten?
Më duhet ta demostrojnë në fushë, nëse dikush prej tyre e ka realisht peshën e një lideri. Kam dëgjuar se Panuçi është diktator dhe nuk i lejon lojtarët të qeshin. Për sa i përket pjesës time, për çështjen e kapitenit më duhet ta demonstrojnë. Më pas do ta vendos unë dhe pse jo…
Sjellja me ekipin…
Krahu im i djathtë është Kaseti dhe Bulku. Mavraj është një lojtar me personalitet të rëndësishëm, por duhet ta demonstrojë në fushë që jam lider. Nuk jam budalla, i marr vesh të gjitha. Pas Skocisë dikush tha pse luan Strakosha dhe nuk luan Berisha. Dikush tjetër, pse luan Berisha dhe jo Strakosha. Imagjinoni nëse do të veproja si Luis Henrike, që iu heq lojtarëve telefonin në mëngjes. Unë kështu kam zgjedhur dhe kështu do veproj. Lojtarët do të kenë komoditetin për të punuar dhe kjo është e rëndësishme.
