Një automjet në pronësi të një shtetasi nga Tirana është përfshirë nga flakët ndërsa ishte në lëvizje, në qytetin e Beratit.
Mjeti, tip kamionçinë, me targa AA 909 NJ mësohet se ka qenë duke qarkulluar në qytet ndërsa është përfshirë nga flakët, të cilat kanë filluar nga pjesa e përparme e makinës.
Mësohet se në vendngjarje janë gjendur menjëherë dy mjete zjarrfikëse dhe efektivë të shumë të cilët kanë mund edhe të lokalizojnë shpejt flakët e të kryejnë shuarjen e plotë të zjarrit në mjet.
Si pasojë e zjarrit motori i makinës në pronësi të shtetasit nga Tirana Fran Kaçorri u shkrumbua tërësisht, po kështu edhe pjesë të tjera mekanike që ndodheshin poshtë kofanos së makinës por fatmirësisht nuk ka pasur të lënduar.
Sipas zjarrëfikësve në vendngjarje, mendohet se shkak për zjarrin është bërë një defekt në motor.
