Aeroporti i Heathrow thotë se ka nisur një hetim të brendshëm pas janë gjetur disa dokumente në të cilat janë bërë publike aksionet që ka marrë ky aeroport për parandalimin e terrorizmit. Sipas informacioneve të para thuhet se dokumentet janë gjetur në rrugë dhe janë dërguar pranë stafit të sigurisë së aeroportit. Sunday Mirror raporton se janë 76 dosje me harta, video dhe dokumente, duke përfshirë detajet e masave të përdorura për të mbrojtur Mbretëreshën, shkruan “Tirana Today”.
Një burrë e gjeti atë në perëndim të Londrës dhe ia dorëzoi në Heathrow. Ndërsa siguria e aeroporti është shprehur se të gjitha planet janë parë dhe se aeroporti është i sigurt. “Ne gjithashtu kemi nisur një hetim të brendshëm për të kuptuar se si ka ndodhur kjo dhe po ndërmarrin hapa për të parandaluar një ngjarje të ngjashme në të ardhmen,” .
Sot, Mirror bën të ditur se kishte të paktën 174 dokumente, të cilat thuhej se u gjetën në trotuar, dhe në disa prej tyre shënohej se ishin “konfidenciale” ose “të kufizuara”, që nuk mund të lexoheshin. Një dokument shkruhej për sulmet e fundit terroriste. Informacioni u ka kaluar shefave të inteligjencës së Heathroë, tha Sunday Mirror.
Deklarata nga aeroporti tha se “prioritet i lartë” i Heathrow ishte siguria dhe siguria e udhëtarëve dhe stafit. “Mbretëria e Bashkuar dhe Heathroë kanë marrë disa masat të fuqishme për sigurinë e aviacionit”./Tirana Today/
