Pamje të dhimbshme janë publikuar teksa një polic trafiku në Turqi është munduar të shpëtojë një 7-vjeçare pa shenja jete. Ngjarja ndodhi pas katastrofës së një motoskafi me emigrantë në ujërat e Bodrumit të Turqisë në të cilën jetën humbën dy persona.
Harun Kılıçoğlu, i punësuar në Departamentin e Regjistrave të Trafikut në Policinë e Bodrumit, shkoi në vendin e ngjarjes pasi dëgjoi thirrjet për ndihmë nga ana e qytetarëve. Ai mori me shpejtësi në krahë një vogëlushe të nxjerrë pa shenja jete nga deti dhe u përpoq me të gjitha forcat ta dërgonte sa më shpejt tek ekipet shëndetësore.
Ai vrapo 100 metra deri te ekipet shëndetësore, me sytë plot lot, duke u përpjekur për të shpëtuar vajzën.
“A ka punonjës shëndetësor? Të shpejtojmë! Le të vijnë punonjësit shëndetësor”, thërriste polici turk duke vrapuar me vogëlushen në krahët e tij.
Gazetari i AA-së ndoqi në tërësi veprimin e policit Kılıçoğlu, i cili përcolli me lot në sy përpjekjet e reanimacionit të shtatëvjeçares nga ana e ekipeve shëndetësore.
Megjithatë, vajza e vogël ndërroi jetë në spitalin e dërguar përkundër të gjitha përpjekjeve intensive për ta shpëtuar atë.
