Autoritetet pakistaneze raportuan se kanë shkatërruar 5 pika të kontrollit të Afganistanit, në kufirin mes dy vendeve, duke vrarë të paktën 50 forca të sigurisë afgane dhe duke lënë 100 të tjerë të plagosur.
Njoftimi është bërë zyrtar nga gjenerali në ushtrinë e Pakistanit, Nadeem Ahmad. Ndër të tjera ai ka thënë se 2 ushtarë pakistanezë kanë humbur jetën dhe 9 të tjerë janë plagosur.
Nuk ka pasur reagim të menjëhershëm për këtë ngjarje nga ana afgane. Forcat pakistaneze dhe ato afgane janë përleshur në afërsi të kufirit që prej 5 majit
Të dy palët fajësojnë njëra-tjetrën për nisjen e luftimeve.
