Një bombë e vendosur në rrugë vrau të paktën 14 vetë dhe plagosi nëntë të tjerë në një rajon të largët në veriperëndim të Pakistanit.
Zyrtarët lokalë thanë se sulmi i sotëm, në një lagje pranë kufirit me Afganistanin, kishte në shënjestër një autobus pasagjerësh. Gra dhe fëmijë ranë viktimë e këtij sulmi. Përgjegjësinë e mori një grup militant i lidhur me talebanët pakistanezë. Shënjestër e sulmit ishin anëtarët e komunitetit të pakicës së shiitëve myslimanë dhe punonjësit e qeverisë që po zhvillonin një proces regjistrimi të popullsisë në këtë zonë.
Sipas zyrtarëve të administratës lokale, ndër të plagosurit ishin katër pjesëtarë të ekipit që po zhvillonin censusin, përfshirë dhe pjesëtarë të personelit të sigurisë.
