Botërori “Rusi 2018” padyshim ka qenë i mbushur plot surpriza. Të gjithë pretendentë kryesor u “shua” në fazën e grupeve apo pa arritur të gjysmëfinale. Brazili që shihej si fitues i këtij Botërori është eliminuar nga Belgjika në çerekfinale. Christian Vieri, ish-sulmuesi i kombëtares italiane është shprehur se ky turne tashmë e ka humbur bukurinë, pasi janë larguar të gjitha ekipet më të mëdha e veçanërisht Brazili.
“I kujt është faji? I të gjithëve. Për eliminimin e Brazilit do t’ia vendosin fajin Neymar, por një Botëror pa Brazilin nuk ka kuptim.
Tani nuk ka për ta parë kush Botërorin, pasi nuk është Brazili, Argjentina, Spanja, Gjermania, Portugalia. Për mua, Brazili ishte skuadra më e fortë e Botërorit. Personalisht do të kisha preferuar që Firmino të luante titullar që nga fillimi, por duhej të hiqte Neymar dhe nëse trajneri Tite do të bënte këtë gjë, do ta vrisnin”, tha Vieri.
“Franca dhe Belgjika kanë përbërjen më të mira nga ekipet e mbetura në Botëror. Lukaku më ngjan mua, por është më i shpejtë. Edhe Mbappe është i fortë, do të jetë shumë shpejt më i miri në botë, por nuk do të krahasohet kurrë me Ronaldo (fenomenin). Ai ishte i një kategorie tjetër”, tha Bobo Vieri.
