Policia Italiane arrestoi një shtetas të ri shqiptar të përfshirë në një rrjet të trafikimit të drogës. I arrestuari me iniciale I.A. me statusin e tij të papunë ‘aktivizoi’ agjentët e antidrogës. Ky shtetas kishte organizuar një rrjet të organizuar të trafikimit të drogës, kokainë, krak dhe marihuanë, me qëllim furnizimin e të rinjve kryeqytet dhe vendet fqinje.
Gjatë kontrollit nga policia italiane, shtetasit shqiptar me iniciale I.A. iu gjet një sasi e konsiderueshme droge. Shtetasi u ndalua pranë shtëpisë së tij pasi sapo shpërndau një dozë të kokainës një klienti. Sipas mediave italiane, gjatë kontrollit të banesës së këtij shtetasi u zbulua një laborator i përdorur për përgatitjen dhe paketimin e lëndëve narkotike.
Policia sekuestroi 54,51 gramë kokainë, 62,9 gramë krak dhe 15,5 gramë marihuanë, po ashtu dhe një sasi të konsiderueshme parash. Shqiptari i arrestuar është izoluar në paraburgim në pritje të procesit hetimor dhe gjyqësor.
