Me 72 vota pro, Kuvendi miratoi projektligjin e propozuar nga Ministria e Infrastrukturës dhe Energjisë, me nismëtar ministrin Taulant Balla, i cili synon menaxhimin e energjisë në ndërtesa.
Seanca plenare u shoqërua me debate të forta mes mazhorancës dhe opozitës, ku fokusi kryesor i diskutimeve ishin çështjet zgjedhore. Mungesa e shumë deputetëve nga të dyja palët bëri që para votimit të merrej një pushim për të garantuar kuorumin e nevojshëm. Pas rikthimit, në sallë ishin prezent 73 deputetë, ndërsa Dashnor Sula ishte i vetmi përfaqësues i opozitës që mori pjesë në votim, duke votuar kundër.
Miratimi i projektligjit u mundësua falë pranisë së deputetëve të Partisë Socialdemokrate (PSD) të Tom Doshit, të cilët sigluan kuorumin dhe garantuan shumicën e thjeshtë të nevojshme për kalimin e ligjit.
Seanca u mbyll pa pjesëmarrjen e opozitës, ndërsa projektligji “Për performancën energjetike të ndërtesave” u miratua zyrtarisht.
