Gazetari, Julian Hoxhaj, në një intervistë në një studio televizive, theksoi se prokuroria ishte tri muaj para zgjedhjeve në dieni për emrat e personave që ndihmuan Edi Ramën të marrë mandatin e katërt me anë të një ‘krimi elektoral’.
Hoxhaj tha se Rama tani ndodhet në një situatë të vështirë edhe nga të vetët, pasi kandidatët socialist po denoncojnë ‘krimin elektoral të 11 majit
“Ky operacion vjen në një moment kur, krimi elektoral është temë e ditës është kauza e ditës në Shqipëri. Për të hequr në një lloj mënyre vëmendjen nga e gjithë farsa zgjedhore që ka ndodhur në Shqipëri, qoftë brenda vendit qoftë me votën e diasporës. Çfarë bën prokuroria e përgjithshme sigurisht me partnerët ndërkombëtar, kanë të gjithë të drejtën e tyre që të zhvillojnë operacione. Ndërkohë ndërmarrin një nisëm dhe bëjnë një operacion, ku sigurisht personazhet e këtij operacioni dyshohet se janë të përfshirë në historitë e fushatës zgjedhore. Ky është një element, ajo që e përforcon këtë lloj argumenti është se urdhër arrestet për personazhet re kësaj dosjeje nga një këndvështrim janë që në shkurt të këtij viti. Urdhër arrestet nga Gjykata e Barit janë prerë tre muaj para se të mbaheshin zgjedhjet, pra emrat për shqiptarët që dyshoheshin që dyshohet se përfshihen në fushatat zgjedhore janë bërë publik, ose në një farë mënyre drejtësia shqiptare i ka ditur që përpara tri muajve. Sigurisht unë këtu besoj se i kanë ditur dhe institucionet e qeverisë, i ka ditur edhe kryeministri edhe ministrat edhe njerëz të tjerë që në njëfarë mënyre ndërveprojnë me institucionet përkatëse në shtetin italian për të bërë procedura për zhvillimin e operacionit. Dhe u përdor ky moment që vetë kryeministri po tenton që jo masakrën që po denoncon opozita, por masakrën që po e denoncojnë kandidatët e tij po tenton ta mbulojë në një farë mënyre, duke u bërë presion edhe kandidatëve të vetë mos flasin se i marrin detyrën. Duke u bërë një operacion i tillë, ku përsëri personazhet kyç të kësaj dosjeje nuk i shohim përpara drejtësisë.” tha Hoxhaj.
