Në një operacion të gjerë të policisë gjermane, shtatë persona janë arrestuar, mes të cilëve pesë shqiptarë, nën dyshimin për përfshirje në një grup të organizuar që merrej me trafikim të kokainës. Hetimet, të cilat filluan në qershor 2024, zbuluan aktivitetin e dyshuar të disa shqiptarëve me banim në Ingolstadt, të cilët ishin të përfshirë në një operacion të madh trafikimi të drogës.
Pasi morën informacionet fillestare, hetuesit u fokusuan në disa adresa dhe kontrolluan njëmbëdhjetë apartamente, një bujtinë dhe një arkadë lojërash në qytetin Ingolstadt. Gjatë kontrolleve, ata sekuestruan rreth 3.1 kilogramë kokainë, 15.000 euro para të gatshme, si dhe materialet e nevojshme për shpërndarjen e drogës. Po ashtu, u sekuestruan edhe dy nyje tunxhi, shtatë bimë marihuane, një Mercedes AMG i ri dhe një Jaguar.
Prokuroria publike e Ingolstadt ka kërkuar urdhër-arrest kundër pesë shqiptarëve dhe një kosovari të përfshirë në këtë operacion, ndërsa hetimet vazhdojnë për të zbuluar më shumë detaje rreth këtij grupi kriminal.
