Organizata Botërore e Shëndetësisë (OBSH), ka paralajmëruar se vakinat kundër koronavirusit, të siguruara në vendet e varfra përmes programit COVAX, po mbarojnë.
Këshilltari i lartë i OBSH-së, Bruce Aylward, tha se programi COVAX ka shpërndarë 90 milionë doza në 131 vende, por sipas tij, kjo shifër nuk është as afër asaj që kërkohet për të mbrojtur popullatat nga koronavirusi, shkruan Australian Broadcasting Corporation.
Mungesat e vaksinave, të shkaktuara pjesërisht nga vonesat në prodhim dhe rritja e rasteve me variantin idian, vijnë ndërsa rastet dhe vdekjet rriten në të gjithë Afrikën si pasojë e valës së tretë të pandemisë.
COVAX është krijuar vitin e kaluar, për të siguruar shpërndarjen e vaksinave në të gjithë botën. Sipas idesë, vendet më të pasura do të subvenciononin kostot për vendet më të varfra.
Presidenti i SHHBA-ve Joe Biden, mund të mos e mbajë premitmin e tij për dërgimin e 80 milion dozave të vaksinave COVID-19 jashtë vendit deri në fund të qershorit, për shkak të pengesave ligjore dhe juridike, thanë zyrtarët amerikanë.
Shtëpia e Bardhë njoftoi ndarjet përfundimtare për vaksinat, me 60 milion doza për programin COVAX dhe 20 milion për partnerët e tyre të veçantë.
