Biznesmeni Gjergj Luca ka shfrytëzuar ditën e 1 majit për të dhënë mesazhe politike. Duke folur nga stabilimenti i tij në Maliq të Korçës, Luca e nis videon duke pyetur Nastradinin përse njerëzit protestojnë më 1 maj.
“Gëzuar 1 Majin miq, ditën e njerëzve të punës, por ngaqë jam ende konfuz erdha të takoj këtë burrin e të sqarohem. Jam këtu në Maliq të Korçës të pyes Nastradinin pse ne shqiptarët luftuam fort të shporrim komunizmin për të sjellë kapitalizmin e punës e tani që jemi në kapitalizëm çirremi e protestojmë kundër punës edhe sot në festën e punëtorëve?-thotë Luca dhe më pas i fut një “kunj” Ilir Metës që prej disa javësh ka shpallur programin e Partisë së Lirisë për një Shqipëri me 4 milionë plus shqiptarë.
“Foli Nastradini. Do të bëjmë festë me ardhjen e 4 milionë shqiptarëve ne të gjithë do hamë, do pijmë, do këndojmë dhe do të kërcejmë, se na ka shkuar djersa atje ku s’mban më”-ironizon Luca.
