Para pak kohësh u fol në media se kombëtarja shqiptare ishte vënë në kontakt me një talent argjentinas. Por këto zëra u mohuan nga trajneri Christian Panucci. Bëhet fjalë për mbrojtësin e skuadrës së Belgrano, Tomas Guiadara, i cili luan në të njëjtin pozicion me Elseid Hysajn. Ky i fundit prej vitesh është cilësuar si i paprekshëm te kuqezinjtë, por duket se tashmë është duke e humbur këtë status.
Guiadara është një argjentinas me origjinë të largët shqiptare, aq të largët sa lojtari nuk ia kishte idenë për të derisa FSHF filloi të shfaqet interes. Edhe pse FSHF dhe Panucci dy muaj më parë refuzuan të kenë ndonjë interes për mbrojtësin e skuadrës së Belgrano, Tomas Guiadara, në Argjentinë bëhet e ditur se ai do të fillojë shumë shpejt kontaktet direkte me stafin kuqezi.
Sipas mediave argjentinase, Guidara do të flasë direkt trajnerin e kuqezinjve që do t’i shpjegojë atij projektin që ka dhe rolin që do të luajë futbollisti me origjinë shqiptare në eliminatoret e Europianit. Të njëjtat burime thonë se lojtari duhet të marrë një vendim shumë shpejt, për të filluar procedurën e pajisjes me pasaportë, pasi Panucci kërkon ta ketë gati që për ndeshjet e marsit.
