Një sherr mes dy 15-vjeçarëve ka ndodhur në Paskuqan, në shkollën “Jashar Hoxha”, ku i plagosur më thikë ka mbetur njëri prejtyre.
Mësohet se ngjarja ka ndodhur në ambientet e pasme të shkollës ku dy të miturit pasi janë konfliktuar fillimisht në rrjetet social, janë zënë dhe fizikisht.
Ndërkohë një adoleshent për mikrofonin e Euroneës Albania tha se adoleshentët janë zënë gjatë pushimit të gjatë ndërkohë kjo është hera e parë që ndodh.
“Është hera e parë që ka ndodhur kjo. Nuk ka ndodhur asnjëherë kështu sherri në shkollë. Kam dëgjuar se janë zënë dy adoleshent. Nuk e di ku ishte roja kur ka ndodhur ngjarja. Ata janë zënë në pushimin e gjatë”- tha ai.
15-vjeçari ka marrë plagë në shpinë dhe ndodhet në spital në gjendje të stabilizuar.
Grupi hetimor po punon për sqarimin e rrethanave të ngjarjes.
