Na ndodh shpesh që të udhëtojmë me një karikues me vete, pasi celulari ka dhënë sinjalet se do të mbyllet. Disa e kalojnë me sportivitet, e mund të presin me orë të tëra, e shumë të tjerë gjejnë lokalin më të afërt për ta vënë karikuesin në përdorim. Duket si një mision i pamundur me celularin. Por nëse mendojmë se kjo zgjidhje është shpëtimi ynë, pas fshihen një sërë problemesh.
Në një deklaratë për CNN, Drew Paik, themelues i firmës “Authentic 8″, u shpreh se hakerat arrijnë të kenë akses lehtësisht në prizat e karikimit dhe “wi-fi” me anë të një teknike të quajtur “Juice Jacking”.
USB-ja që lidh telefonin me karikuesin është e projektuar për të transmetuar të dhëna personale. Kjo do të thotë se fotot tuaja, mesazhet, e-mailet dhe çdo gjë tjetër mund të përdoret nga dikush tjetër. E vetmja gjë që mund të bëni në rastet kur telefoni juaj mbetet pa karikim, është ta karikoni atë në shtëpi, zyrë apo në një vend tjetër më të sigurt.
