“Si do të doje të kujtoheshe nga fansat?”
“Bëj punën më të bukur në botë, më paguajnë mirë për të gëzuar një popull të tërë. Kam fitime shumë të larta krahasuar me shumë njerëz që punojnë edhe 10 orë në ditë për t’u përpjekur të fitojnë para … Ata janë heronj të vërtetë , jo une
Thjesht më duhet të kujtohem si dikush që dha gjithçka për t’i bërë të lumtur. Asgjë tjetër, vetëm kaq “.
16 maj 2015
Stiven Xherrard luan ndeshjen e tij të fundit me Liverpulin në Anfield.
Tifozët e kuq përshëndesin numrin e tyre 8 me një koreografi drithëruese dhe duartrokitje pafund.
Për ta nuk është vetëm ndeshja e fundit e kapitenit të tyre. Për ta është ndeshja e fundit e dikujt që për shumë prej tyre është si një mik, si një vëlla. Ai është njëri prej tyre.
Sepse siç thoshte gjithmonë Gerrard: “Unë jam një tifoz i Liverpulit që kam jetuar ëndrrën” /t.k/
