Deputeti i PD-së, Flamur Noka, ka marrë fjalën nga foltorja e Parlamentit, menjëherë pas votimit të kërkesës së Prokurorisë. Noka ka lëshuar akuza të forta të drejtim të qeverisë, pasi sipas tij, ky nuk është më Parlament i shqiptarëve por i krimit. Noka e ka quajtur Tahirin “kukull e qeverisë së krimit”.
Noka tha ndër të tjera në fjalën e tij, se vota kundër arrestimit është mbrojtje për Kryeministrin Rama.
“Sot u dëshmua se ky është parlamentit i krimit. Ju sot nuk mbrojtët Saimir Tahirin por Edi Ramën. Sot kjo qeveri nuk ka emër por thjesht ka një targë AA003GB. Kështu që sado të përpëliteni e keni të kotë, jeni të gjithë ushtarë të krimit, me paratë e drogës, të Habilajve. Ke përdorur lekët e drogës, Edi Rama për të ardhur në pushtet. Sot më shumë se kurrë ju nuk jeni qeveri por organizatë kriminale dhe ka vetëm një emër “kapobanda Edi Rama”. Shqiptarët nuk kanë qeveri por bandë. Kodi i heshtjes u vendos pasi Saimir Tahiri tha në Opinion se nuk keni parë gjë akoma. Ju ditët i keni të numëruara, prandaj duhet revolucion popullor për t’u kthyer shqiptarëve një qeveri të tyre është e vetmja rrugë për të shpëtuar nga kjo qeveri e krimit dhe drogës” tha Noka.
