Deputeti i PD-së, Flamur Noka ka deklaruar se kjo qeveri i ka ditët e numëruara, ndërsa ka paralajmëruar protesta nga opozita.
Noka tha pas përfundimit të komisionit të Sigjeve se kjo qeveri drejton krimin, si dhe akuzoi se qeveria nuk ka patentë për të drejtuar vendin, por vetëm patentë për të drejtuar skafet e drogës.
FJALA E NOKËS:
E vërteta doli në pah se nuk kishin patentën për të drejtuar vendin, por për të drejtuar skafet e drogës dhe krimin e organizuar. Është koha ta rrëzojmë këtë qeveri! Gjushi është një ushtar i vogël e kësaj perandorie i lidhur me krimin. Perandoria do të rrëzohet me protesta dhe revolucion popullor. Kjo qeveri vërtetoi që nuk qeveris, por drejton krimin. Kjo qeveri i ka ditët të numëruara, është qeveri e krimit, trafikut dhe bandave, kemi mbështetjen e ndërkombëtarëve dhe kjo është shumë e rëndësishme./ Tirana Today
