Studentë nga mbi 100 vende kanë mundësinë që nën një çati të përbashkët të gjejnë veten e tyre si udhëheqës të ardhshëm botërorë. “Pa ‘Shtëpinë Ndërkombëtare’, Nju Jorku do të ishte një vend tepër i vetmuar për shumë njerëz”, thonë studentët. Për rreth 700 banorët e “Shtëpisë Ndërkombëtare”, ekziston një tipar i përbashkët – dëshira për të ruajtur marrëdhëniet që kanë krijuar, ndërsa do të mbartin në atdheun e tyre cilësitë udhëheqëse që përfituan.
“Banorët kanë dhoma qëllimisht të vogla, në mënyrë që të dalin nëpër hapësirat e përbashkëta dhe të ndërveprojnë me njëri-tjetrin. Dhoma e ngrënies është dizenjuar qëllimisht e përbashkët, në mënyrë që të ushqehesh gjithnjë me të tjerë”, thotë Heather Mangrum, drejtore e komunikimit e “Shtëpisë Ndërkombëtare”.
Studentët vijnë nga një vende dhe raca të ndryshme. Njëri prej tyre shprehet se nuk kishte parë kurrë një afrikano-amerikan përpara se të vinte në atë shtëpi.
‘Shtëpia Ndërkombëtare’, mirëpret studentë nga i gjithë spektri universitar i zonës së Nju Jorkut, të cilët mblidhen edhe në festa ndërkulturore. Por, për shumë prej tyre janë bisedat ato që krijojnë lidhjet më të forta dhe mundësitë për rritje individuale.
