Lojtari më i gjatë që ka luajtur ndonjëherë: Yang Changpeng, futbollist kinez që luan aktualisht për skuadrën Helanshan Yinchuan, është deri më sot lojtari më i gjatë në historinë e këtij sporti me 206 centimetrat e tij.
Lojtari më i rëndë: William Foulke, portieri britanik i Sheffield United, më pas i Chelsea dhe Bradford City, është konsideruar si lojtari me peshën më të madhe në histori, me plot 150 kg dhe me një gjatësi prej 193 cm.
Ndeshja me më shumë spektatorë: Finalja e botërorit 1950 Brazil-Uruguai, e luajtur në 16 korrik në stadiumin Marakana të Rio de Zhaneiros, mban deri më sot rekordin e numrit më të madh të spektatorëve të pranishëm, 199.854.
Ekipi më i vjetër në botë: Sheffield Football Club, i themeluar në 24 tetor 1857, është klubi më i vjetër, dhe që ekziston ende në historinë e aktiviteteve futbollistike. Aktualisht luan në kategorinë e tetë angleze.
Goli më i shpejtë i shënuar ndonjëherë: I mjaftuan vetëm 2 sekonda Nawaf Al Abed, për të shënuar golin më të shpejtë në historinë e një ndeshje futbolli mes skuadrave Al-Hilal dhe Al Shoalah, që përfundoi 4-0.
Lojtari më i moshuar: Stanley Matthews luajti ndeshjen e tij të fundit me fanelën e Anglisë në 14 mars të vitit 1957 kur ishte 50- vjeç, dhe prandaj mban ende sot rekordin e lojtarit më të madh në moshë, që ka luajtur ndonjëherë në futbollin profesionist.
Ndeshja e parë e zhvilluar ndërmjet dy kombëtareve: I përket 30 nëntorit të largët të vitit 1872, ku u përballën për herë të parë dy kombëtare e futbollit Skoci-Angli. Derbi britanik përfundoi me rezultatin 0-0.
Lojtari më i ri i aktivizuar në një ndeshje: Mauricio Baldivieso bëri debutimin e tij historik kur ishte vetëm 12-vjeç në ligën profesioniste të futbollit.
Ndeshja me më shumë autogola: AS Adema-SO de Emyrne, e cila përfundoi me rezultatin 149-0 për AS Adema, është ndeshja me më shumë autogola në hsitori. Lojtarët e skuadrës kundërshtare, në shenjë proteste për një vendim të gabuar të arbitrit ndeshjen e shkuar, filluan të bëjnë autogola që nga minuta e parë dhe deri në minutën e fundit, para syve të një publiku të shokuar nga ajo që po shihte.
Përshtati për Tirana Today, Alket Goce
