Xherdan Shaqiri është shndërruar në yllin e momentit te skuadra e Liverpoolit. Ai shënoi dy gola ndaj Manchester United në fundjavë duke siguruar fitoren e madhe për ekipin e tij.
Së fundmi, futbollisti shqiptar ka dhënë një intervistë emocionuese për ‘Liverpool TV’, duke kujtuar fëmijërinë e tij.
Teksa sheh foto të vjetra, ai shprehet: “Xherdani i ri. Dija si të pozoja. Është një fanellë e Ronaldos së Brazilit. Ishte një dhuratë për ditëlindje, ishte menjëherë pas Kupës së Botës në vitin 1998. Unë e doja një fanellë të Ronaldos për ditëlindje dhe e mbaja të veshur gjatë gjithë kohës.”
Ndërsa në një moment tjetër Shaqiri tregon një foto me familjen ku rrëfen vuajtjet dhe varfërinë që ka kaluar, pasi vetëm babai punonte dhe nuk kishte një punë të mirë.
