Alpinisti nepalez, Kami Rita Sherpa, ka thyer rekordin botëror me ngjitjen e tij të 31-të në majën e Everestit, duke udhëhequr një ekspeditë të ushtrisë indiane. Ai mbetet figura më legjendare e Everestit, me ngjitje pothuajse çdo vit që nga viti 1994.
Alpinisti 55-vjeçar nepalez, Kami Rita Sherpa, i njohur ndryshe si “Njeriu i Everestit”, ka arritur majën e malit më të lartë në botë për herë të 31-të, duke thyer rekordin botëror për më shumë ngjitje në Everest.
Kami Rita Sherpa arriti majën më të lartë në botë me 8,849 metra këtë të martë, ndërsa udhëhiqte edhe një ekip të ushtrisë indiane prej 22 anëtarësh, dhe 27 ndihmës të guidës ishin duke ndjekur të gjithë grupin.
Legjenda e alpinizmit e ngjiti për herë të parë Everestin në vitin 1994, si udhërrëfyes i një udhëtim me një grup njerëzish dhe që nga ajo kohë është ngjitur pothuajse çdo vit. Ndërsa në vitin 2023 dhe 2024 ka bërë nga dy ngjitje në vit.
Rivali që i është afruar më shumë këtij rekordi është alpinisti tjetër nepalez, Pasang Daëa, i cili është ngjitur në majën e Everestit 29 herë, ku ngjitja më e fundit ka ndodhur javën e kaluar.
Frymëzimi për ngjitjen e tij të 31-të ndodhi vetëm një javë pasi britaniku Kenton Cool, cili ngjiti Everestin për herë të 19-të, duke thyer rekordin për më shumë ngjitje nga një njeri që nuk është alpinist, por një udhëheqës në Guida Malore në alpinizëm.
Postimet e Kami Rita në rrjetet sociale kohët e fundit përfshinin pamje nga jeta e përditshme në Everest dhe ceremonia tradicionale Puja, një ritual ky budist tibetian që kryhet para çdo ekspedite për të bekuar alpinistët dhe për të siguruar një ngjitje të sigurt.
Më shumë se 500 alpinistë dhe udhërrëfyes të tyre kanë arritur majën me sukses ne ngjitje këtë sezon.
Departamenti i Turizmit i Nepalit ka lëshuar mbi 1,100 leje ngjitjeje, nga të cilat 458 për Everestin, duke përfituar më shumë se 5 milionë dollarë nga taksat.
