Arsenije Stanović, 22-vjeç, u kap në Tiranë, pasi akuzohet për vrasjen e të dashurës së tij Anastasije Lašmanove. Ngjarja e rëndë ka ndodhur në 11 maj të këtij viti, e ndërsa i riu malazez fshihej në vendin tonë.
I riu në një raport me vajzën disa vite më të madhe
Malazezi është djali i një komandanti të policisë kufitare në aeroportin e Tivarit. Mediat shkruajnë se 22-vjeçari ishte në një lidhje me vajzën ukrainase, disa vite më të madhe, dhe dyshohet se ka qëlluar me thikë dhe i ka shtypur kokën.
Identifikimi i autorit
Kamerat e sigurisë së ndërtesës ku banonte 22-vjeçari, si dhe lista e thirrjeve telefonike nga celulari i vajzës, kanë bërë të mundur identifikimin e tij.
Miku i vajzës kishte denoncuar në polici
Mësohet se ka qënë një mik i vajzës, ai i cili kishte telefonuar policinë, duke denoncuar zhdukjen e saj. Ai kishte thënë se nuk arrinte të komunikonte me Anastasije Lašmanoven. Ndonëse kishte shkuar dhe banesë, askush nuk e hapte derën, ndaj kishte ngritur alarmin. Zjarrfikësit thyen derën e apartamentit dhe gjetën skenën e tmerrshme.
Një tjetër krim pasioni?
Hetuesit e çështjes kanë dyshime se ngjarja në fjalë është krim pasioni. Policia po heton ndër të tjera edhe për disa persona, përfshirë babanë e të dyshuarit, Zoran Stanoviç, i cili u shkarkua dy ditë më parë nga pozicioni i komandantit të degës së policisë kufitare në aeroportin e Tivarit. Viktima, Anastasije Lašmanove shkoi në Mal të Zi pak vite më parë dhe punoi si kameriere. Brenda një kohe të shkurtër, u bë shumë e fuqishme dhe pasuritë që zotëronte, sipas vlerësimeve, vlejnë dhjetëra miliona euro. Vajza erdhi në Malin e Zi me pasaportë ruse, ndërsa mediat malazeze parashtrojnë pyetjen se si në pak vite e reja arriti të bëhej e pasur. Po ashtu, mediat flasin për një pasuri prej 105 milion eurosh, duke u renditur si një nga personat më të pasur të Ukrainës. Ndërkohë, pas arrestimit në Tiranë, i riu u depërtua për në Malin e Zi, ndërsa u mor në dorëzim nga shërbimet e policisë malazeze.
