Përballja më e bukur e fundvitit në Serie A, ajo mes Interit dhe Napolit e zhvilluar në “San Siro” nuk ka kaluar pa trazira. Gjykatësi sportiv në Itali vepron me dorë të hekurt ndaj Interit. Zikaterit do të luajnë dy ndeshje pa tifozë dhe një tjetër pa tifogrupin ‘Curva Nord’. E gjithë kjo vjen pas ngjarjeve të shëmtuara që ndodhën në sfidën mes zikaltërve dhe Napolit.
Në Itali zikaltërit kanë tifozerinë më të zjarrtë dhe këtë e tregojnë numrat e biletave të shitura çdo javë. Por për shkak të koreve raciste të thirra në drejtim të mbrojtësit të Napolit, Koulibaly, gjykata sportive është detyruar që ti dënojë.
Megjithatë në këtë vendim të gjykatësit sportiv ndikoi edhe sjellja e tifozerisë zikaltër jashtë stadiumit aty ku një pjesë fansave të Interit sulmuan tifozët e Napolit dhe nga ku humbi jetën një tifoz i klubit milanez dhe u plagosën 4 napolitanë.
Në këtë mënyrë San Siro do të jetë bosh në ndeshjen e 1/8-ave të Kupës së Italisë mes Interit dhe Beneventos, gjithashtu në sfidën shtëpiake për Serinë A Inter-Sassuolo ndërsa tifozët ultras zikaltër do të mungojnë edhe në takimin Inter-Bologna sërish për kampionat.
