Manchester City mban vendin e dytë në Premier League me vetëm 4 pikë më pak se Liverpool. Gara për titull në Angli këtë vit do të jetë e ashpër dhe me Tottenham i cili qëndron shumë pranë. Por për Guardiolën edhe pse dukej që ka një ekip të kompletuar, një dëmtim i ka prishur gjithë skemat.
Në prag të ndeshjes që skuadra e Manchester City do të luajë të dielën ndaj Huddersfield, trajneri spanjoll ka pranuar se ai është duke ndjekur nga afër 3-4 lojtarë. Madje Guardiola ka rrëfyer se bëhet fjalë për mesfushorë, me shpresën që të gjejë pasardhësin e Fernandinho.
“Duke parë filozofinë tonë të lojës, jam duke kërkuar një lojtar të fortë fizikisht, por edhe që organizon mirë dhe shpejt aksionin, që të kuptojë lojën tonë sulmuese. Sa më shumë gjëra të jetë në gjendje të bëjë aq më mirë. E di që nuk është e lehtë të gjesh një lojtar të tillë, që mund të bëjë gjithçka, por unë po kërkoj. Dëmtimi i Fernandinho na prishi planet dhe na detyroi të shohim përreth për një alternativë”, u shpreh Pep Guardiola.
Pep Guardiola has revealed Manchester City have identified “three or four” potential defensive midfield targets who could eventually replace Fernandinho: https://t.co/n3w6FvorHo pic.twitter.com/tT0IY96M4v
— Sky Sports Premier League (@SkySportsPL) January 18, 2019
“Kemi evidentuar 3-4 lojtarë të tillë. Gjithsesi, për të arritur një marrëveshje me lojtarin duhet të kënaqësh të gjithë: Klubin ku luan, lojtarin dhe menaxherin. Ndaj dhe kemi vënë në shënjestër 3-4 lojtarë që mund të jenë zëvendësuesit e Fernandihno, pasi duam një lojtar që ta kemi në skuadër për një periudhë disavjeçare”, u shpreh trajneri spanjoll, pa përmendur emra.
