Deputeti i “Nisma për Kosovën”, Haxhi Shala, theksoi sot se mocioni i mosbesimit, për Qeverinë e Kosovës, ka nisur të marrë mbështetje jo vetëm nga partitë opozitare, por edhe nga deputetë të partive që janë në pushtet.
Shala, gjatë një lidhje të drejtpërdrejtë në InfoMagazinë, të Klan Kosovës, tha se shefat e grupeve parlamentare po mbajnë takime të përbashkëta dhe se, sipas tij, “po e harmonizojnë tekstin e mocionit”.
“Po punojmë me deputetët e pozitës dhe minoriteteve, që javën tjetër të jemi të gatshëm të procedojmë mocionin, dhe që pastaj të dërgohet në seancë. Ne nuk kemi koordinim me asnjë parti në pozitë, por kemi koordinim me disa deputetë të Partisë Demokratike të Kosovës (PDK) dhe minoriteteve”, ka thënë ndër tjerash Shala.
