Duke filluar nga dita e sotme, 4 gusht 2023, Policia e Kosovës ashtu si dhe lajmëroi më herët do të zvogëloje m 25% prezencën rreth objekteve komunale në Veri të Kosovës.
Ky vendim është marrë që në korrik, në kuadër të marrëveshjes së arritur mes Kosovës dhe Bashkimit Europian lidhut me çtensionimin e situatës në veri të vendit.
Ditën e djeshme, përmes një njoftimi për mediat Policia e Kosovës bëri me dije se pas vlerësimit të situatë sigurisë me misionin e NATO-s në Kosovë, KFOR dhe misionin e Bashkimit Evropian për Sundimit të Ligjit, EULEX, kanë vendosur që të tërheqin trupat të cilët janë pozicionuar prej muajit maj, pasi serbët kundërshtuan hyrjen e kryetarëve të rinj shqiptarë në komunat e Leposaviq dhe Zubin Potok.
Marrëveshja ndërmjet BE-së dhe Kosovës për zbatimin e deklaratës së 3 qershorit 2023 të 27 vendeve të BE-së për çtensionimin e situatës:
Hapi 1
Qeveria e Kosovës deklaron publikisht gatishmërinë e saj për t’u angazhuar për shtensionimin e situatës dhe se nuk do të ndërmarrë asnjë veprim që mund të shkallëzojë situatën në veriun e Kosovës. Kjo përfshin një zvogëlim të menjëhershëm për 25% të pranisë policore në dhe rreth ndërtesave komunale.
Hapi 2
Policia e Kosovës kryen vlerësime të rregullta të sigurisë bashkë me EULEX-in, dhe me KFOR-in, sipas nevojës, për të shikuar mundësinë për zvogëlim të mëtejmë të tërë pranisë policore në dhe rreth ndërtesave komunale.
Hapi 3
Qeveria e Kosovës bën një deklaratë publike, për të mbështetur mbajtjen e zgjedhjeve të parakohshme në 4 komunat nveriore, pas verës. Kosova përkushtohet të sigurojë bazën e nevojshme ligjore për të mundësuar organizimin e zgjedhjeve.
Hapi 4
BE-ja do t’i ftojë dy kryenegociatorët në Bruksel, për finalizimin e planit të sekuencimit për Marrëveshjen drejt rrugës për normalizimin e marrëdhënieve, pas të cilit do të fillojë zbatimi i të gjitha neneve të marrëveshjes.
Ndërkohë, ditën e djeshme i dërguari i BE për dialgoun Kosovë-Serbi, Miroslav Lajcak, mirëpriti vlerësimin e parë të përbashkët të sigurisë, ndërmjet Policisë së Kosovës, EULEX dhe KFOR, sipas marrëveshjes së 10 korrikut në Bratislave. Ai tha se ky është një hap i rëndësishëm drejt shtensionimit të plotë të situatës në Veri të Kosovës.
”E mirëpres vlerësimin e parë të përbashkët të sotëm të sigurisë ndërmjet Policisë së Kosovës, EULEX dhe KFOR siç është rënë dakord në Bratislavë. Ky është një hap i rëndësishëm drejt shtensionimit të plotë të situatës në veri të Kosovës”, tha Lajçak.
