Qeveria nigeriane ka pohuar se 82 vajza të rrëmbyera në prill të 2014-ës, janë liruar nga njerëzit e Boko Haram.
Mësohet se lirimi ka qenë fryt i negociatave mes grupit islamik dhe qeverisë federale, ndërsa vajzat po qëndrojnë në Banki, në pritje për t’u transportuar me avion në vendin e tyre.
Vajzat, të gjitha gjimnaziste, u morën me forcë rreth 3 vite më parë nga shkolla e tyre në qytetin Chibok, në veri-lindje të vendit.
Vajzat e liruara janë takuar me presidentin e Nigerisë, Muhammad Buhari. 276 nxënëse u rrëmbyen në prill të 2014-ës, ndërsa 57 nxënëse arritën të largohen nga grupi pak muaj pas rrëmbimit.
Edhe 21 vajza u liruan në tetor të 2016-ës dhe disa të tjera u liruan po ashtu në janar të 2017.
Pas lirimit të 82 vajzave, besohet se 113 vajza po mbahen ende nga grupi Boko Haram.
